PROSES KESUKSESAN

Dening : Dewi Masruroh

            Ulan Maret enek lomba Fragmen Budi Pekerti’15 lomba teater nasional. Teater Smagajoe melok lomba iki, segurunge tampil akeh persipan-persiapan seng dilakoni. Awale sutradara ngumpulno kabeh pemain terus casting aktor karo penari latar, musik karawitan gak dicasting soale seng iso main karawitan mek titik. Sutradara ngae naskah karo nyelok guru karawitan, seng ngulangi nari iku arek teater dewe. Sakbendina mari sekolah latian sampek jam 17.00 minggu yo latian. H-7 lomba, sutradara entok kiriman surat seng isine pemain karawitan kudu lima karo guru pendamping, mari ngunu dirombak kabeh aku seng awale main bonang penerus gak oleh main diganti dadi krew. Sutradaraku pak Agus ngomong

 “ Gakpopo ya gak main, ketentuane lomba seng main karawitan kudu lima, mben jek enek lomba eneh”. Atiku loro banget, mbendina latian pegel-pegel tapi h-7 aku diganti. Aku cerito neng kanca-kancaku, ibuku yo pada ngomong

“ Sabar wi, mben jek iso main eneh”. Aku mek nangis ben bengi. Mari aku seng didepak, koncoku Iman seng main gong yo diganti karo guru pendamping jenenge Sumo. Bendina Iman ngulangi pak Sumo, opo seng dirasakno areke podo karo aku geton, mangkel lan liya-liyane tapi piye maneh jabatan seng duwur neng penggarapan teater iku sutradara dadi kabeh kudu manut sutradara, opo seng diomongno sutradara kabeh gae apike pemain.

Lomba teater dina kamis, aku gak masuk sekolah dikeki dispen teko Dinas Pendidikan. Masio aku gak main tapi Pak Agus ngongkon tetep melok neng Surabaya ngewang-ngewangi. Aku karo konco-konco wedok liyane nginep neng omahe mbak Fairuz soale idek karo sekolah, jam 03.00 mobil sekolah karo Pak Agus nyusul terus budal. Perjalanane dimulai jam 04.00 sampek jam 07.00. Sakwise teko, pemain podo bloking terus ganti klambi karo nyiapno surat-surat lomba. Pak Agus nariki kartu pelajar, pemaine podo gak ngowo. Wonge mureng-mureng neng mas Mario soale wonge ngekeki mandat nek areke kudu ngilengno kabeh pemain ngowo kartu pelajar. Aku ngesakno karo mas Mario segurunge tampil dek e wes sering ngilengno tapi pemain liyane rodok gak ngreken. Akhire sopo ae dijaluki kartu pelajar terus difotokopi. Gak mek masalah kartu pelajar tok, enek masalah eneh yaiku moro-moro panitia lomba ngongkon ngeprint naskah. Krew bingung dewe-dewe enek seng mlayu fotokopi enek seng ngetik naskah terus diprint, ngeprint neng Surabaya iku angel soale podo gak ngerti panggone. Akhire krew mlayu metu lokasi lomba ngolek print-printan soale gak enek kendaraan, entok warnet tapi jarake adoh banget. Regane ngeprint saklembar iku 5000, larang banget gak koyok neng Jombang. Sakwise ngeprint arek krew maeng mbalek mlayu neng ngone lomba. Krew liyane mbareni pemain soale ate main. Wes mari kabeh garek ngenteni giliran main, pas giliran main kabeh krew wes podo siap angkat-angkat barang. Permainane rodok gak lancar, pemain utama kepleset pas main. Mari main aktor karo aktris diwanwancara karo wartawan gara-gara dramae apik.

Pengumuman menang jam 19.00 kabeh podo ndredek, pas diumumno Teater Smagajoe menang mborong telu juara yaiku naskah teraik, sutradara terbaik, karo penampilan terbaik. Kabeh sorak seneng sujud syukur, opo seng dilakoni sebelume lomba gak sia-sia kabeh kebayar karo piala-piala karo duek. Pak Agus mesti ngomong “ seng penting iku proses penggarapan, masalah menang ta kalah pas pentas iku hadiah penggarapan ”. Kabeh podo ngrangkul kanca-kancane karo foto bareng terus muleh Jombang.